Thursday, January 12, 2017

Spasmomen (tableta)

Kategoria Farmakoterapeutike
Antikolinergjik sintetik, komponim i amoniumit kuaternar.

Indikimet Terapeutike
Sindroma e Zorrës së Irrituar dhe çrregullime spastike të dhimbshme të pjesës së fundme (distale) të traktit enteral.

Kundërindikimet
Mbindjeshmëri ndaj lëndës vepruese apo ndonjërës prej lëndëve të tjera përbërëse të produktit.

Përkujdesje të veçanta gjatë përdorimit
Ky produkt mjekësor duhet të përdoret me kujdes të veçantë tek pacientët të cilët vuajnë nga glaukoma (rritja e presionit të lëngut të syrit), hipertrofia (zmadhimi) e prostatës dhe stenoza e pilorit.

Ndërveprimet me barna të tjerë ose forma të tjera ndërveprimi
Nuk njihen.

Paralajmërime të veçanta

Shtatzënia dhe ushqyerja me gji
Megjithëse studimet te kafshët nuk kanë treguar për ndonjë veprim embriotoksik, teratogjenik apo mutagjenik, ashtu si me të gjithë produktet e tjerë mjekësorë, përdorimi i këtij bari te gratë shtatzëna ose që ushqejnë fëmijët me gji duhet të kufizohet vetëm në rastet kur ai është me të vërtetë i nevojshëm dhe nën mbikqyrjen e drejtpërdrejtë të mjekut.

Ndikimi mbi aftësinë për të drejtuar automjete dhe përdorur makineri
Deri tani nuk njihet ndonjë ndikim mbi aftësinë për të drejtuar automjetet apo për të përdorur makineritë.
Në rast se vuani nga intoleranca ndaj sheqernave të caktuar, përpara se të filloni përdorimin e këtij bari këshillohuni me mjekun.

Dozimi dhe mënyra e përdorimit
1 tabletë e veshur me film, 2-3 herë në ditë, sipas gjykimit të mjekut.

Kohëzgjatja e mjekimit
Sipas udhëzimeve të mjekut.

Mbidozimi
Studimet te kafshët kanë treguar se bromuri i otiloniumit praktikisht nuk është toksik. Prandaj në rast mbidozimi te njerëzit, nuk pritet të shfaqen probleme të veçanta. Sidoqoftë, në rast mbidozimi këshillohet trajtimi simptomatik dhe mbështetës.

Efektet e Padëshiruara
Kur përdoret me doza terapeutike, bari nuk shkakton efekte të padëshiruara, veçanërisht ai nuk shkakton efekte të ngjashme me atropinën.
Njoftoni mjekun ose farmacistin në rast se ju shfaqen efekte të padëshiruara.

Kushtet e ruajtjes dhe Skadenca
Mos e përdorni këtë produkt pas datës së skadencës e cila është e shënuar në etiketë dhe i referohet ditës së fundit të atij muaji.
Data e skadencës është e vlefshme vetëm kur produkti ruhet në mënyrë të përshtatshme dhe i padëmtuar në paketimin e tij.
Spasmomen® duhet të mbahet në paketimin e tij origjinal. T
ë ruhet në vende të cilat nuk mund të shihen dhe të arrihen prej fëmijëve.
Barnat nuk duhet të hidhen në banjo, lavaman apo në plehrat e shtëpisë.
Pyesni farmacistin se si duhet të veproni me barnat që nuk ju nevojiten.
Marrja e këtyre masave ndihmon në ruajtjen e mjedisit.

PËRBËRJA SASIORE DHE CILËSORE

Çdo tabletë e veshur me film përmban:
Lëndë vepruese: otilonium bromur 40 mg.
Lëndë të tjera (eksipientë): Laktozë, Niseshte, Glikolat sodik i niseshtesë, Stearat Magnezi, Hipromelozë, Dioksid Titani, Makrogol, Talk.

Forma farmaceutike dhe paketimi
Tableta të veshura me film, 40 mg, për përdorim nga goja.
30 tableta.
Share:

Shqiperia JO Duhanit

Blog Archive